MAS pinasaya at mas pinabongga ang isinagawang Parade of Lights at Street Dancing Competition ng Pamahalaang Lungsod ng Pasay kahapon.

Bukod sa mala-fiestang street dancing, ipinarada rin ang iba’t ibang pailaw at float lulan ang sari-saring palamuti bilang pakikiisa sa ika-161 Founding Anniversary ng lungsod na may temang “Pasayahin 2024: Tuloy-tuloy ang Sigla!”

Naglatag din ng mga aktibidad at salu-salo para sa mga Pasayeño.

Dinagsa ng libu-libong Pasayeño ang aktibidad lalo’t suspendido ang klase at trabaho sa buong lungsod nitong Lunes, upang bigyang-daan ang selebrasyon ng Araw ng Pasay. (DANNY BACOLOD)